منتديات همس المشاعر
اهلاً وسهلاً بكم معنا

نتمنا منكم الدخول او التسجيل



 
الرئيسيةالتسجيلدخول

شاطر | 
 

 ديرب نجم مدينتى كما اراها بعينى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
جوبا85
عضو نشيط
عضو نشيط
avatar


رساله sms احبكم جميعا فاحبونى جميعا
عدد المساهمات : 162
نقاط : 14688
التقييم : -1
تاريخ التسجيل : 28/12/2009
العمر : 32
الموقع : http://www.facebook.com/group.php?gid=230767411346

مُساهمةموضوع: ديرب نجم مدينتى كما اراها بعينى   الأربعاء مارس 17, 2010 2:03 pm

احبائى الكرام اعضاء همس المشاعر
النهارده وموضوع جديد من نوعه فى منتدانا الغالى
النهارده مع موضوع جديد وغريب عن عالم المنتديات
لاول مره هتكلم عن مدينتى ومركزى اللى اتربيت فيه
شويه معلومات عنه
دعوه لكل واحد فينا انه يعرفنا عن بلده او مدينة
ــــــــــــــــــــ ديــــرب نجم ــــــــــــــــــــــ
ديرب نجم دا اسم المركز اللى انا بعيش فيه
وهوا تابع لمحافظه الشرقيه احدى محافظات مصر ذات الكسافه السكانيه العاليه جدا
يعنى ممكن تقولوا كدا انا عندنا الناس بالكوم (اللهم لا حسد )ربنا يذيد ويبارك

المساحه حوالى 235 كيلو متر مربع
مع العلم ان مساحه مصر كلها 1مليون كيلو متر مربع

عدد السكان :
حوالى 355 الف نسمه تقريبا وفى زياده مستمر

شخصيات ورموز ديرب :
فى اى مكان فيه شخصيات ممكن تكون معروفه على مستوى المركز واهل المركز بس
وفيه شخصيات تكون معروفه على مستوى المحافظه
وفيه شخصيات ورموز تكون معروفه على مستوى مصر كلها

مع التلات انواع من الشخصيات المعروفه دى هنبدا بالاولى
مع الاشاره بان الترتيب لا يعنى انه الشخص الاول هوا الاكثر شهره فى البلد لا
ولكن الترتيب حسب ما يتذكره عقل كاتب الموضوع

1- الشيخ سالم /يعتبر الشيخ سالم من اشد الشخصيات اهتماما فى ديرب نجم
وذالك لكونه يعتبر امام اكبر مسجد فى ديرب وهوا صاحب خطبه الجمعه فيه التى يهتم بسماعها الكثير والكثير من ابناء ديرب

هوا الاشهر بين الخطباء فى مدينتى
ولا يوجد شخص مسلم فى ديرب الا ويعرف الشيخ سالم بارك الله لنا فى عمره
على فكره خطبته جميله جدا وهوا صاحب القاء جميل وتستمتع معه بيوم الجمعه حين يواتيك الفرصه للصلاه فى مسجد ديرب نجم الكبير وحضورك لصلاه الجمعه

2- الشيخ حسان عبد الهادى
يعتبر الشيخ حسان زعيم حركه الاخوان المسلمين فى ديرب نجم يعنى هوا الكبير بتاعهم هنا
واتعرض الراجل كذا مره قبل كدا للاعتقال من قبل الجهات الامنيه
وقاد مسيرات سلميه متعدده من اجل فلسطين فى شوارع ديرب نجم وكان على راس هذه المظاهرات والتف حوله جموع الاخوان المسلميين وجموع ابناء ديرب نجم
الشيخ حسان هو من يقوم بالقاء خطبه العيد قبل كل صلاه للعيد وبعدها
احب انى انوه بالذكر انه ديما ليله الوقفه قبل كل عيد الامن عندنا بيمسك الشيخ حسان هوا وشويه من الجماعه او اهله يسهر معاهم شويه وبعد كدا يسيبوه لحاله وبرضه بيروح الساحه تانى يوم ويلقى الخطبه يعنى زى مابتقولوا كدا مافيش فايده فى الراجل دا وهاوا نسان مريض ربنا يشفيه
وبرضه كل ابناء ديرب بتحبه وتحترمه
ولما الامن زهق منه قام بعته فى بعثه تبع الازهر تقريبا زى ما يقال لامريكا الجنوبيه يدعوا فيها للاسلام هناك
بس برضه بيحضر العيد عندنا وبيلقى خطبته الشهيره
للتذكير الشيخ حسان اترشح قبل كدا لانتخابات مجلس الشعب وكالعاده خسر وكلنا عارفين الاسباب

3_الاستاذ عبد اللطيف الصاوى والحاج عبد الوهاب البرعى
انا جمعت الاتنين مع بعض لانهم اتولوا منصب كبير فى على مستوى المحافظه وهوا الاول حاليا وكيل وزاره التربيه والتعليم بالشرقيه
والثانى وكيل وزاره الشباب والرياضه السابق بالشرقيه ايضا
وكلاهما من ابناء ديرب نجم

4_عائلات السويدى صاحبه مصانع الكابلات
تعتبر عائله السويدى من اكثر عائلات ديرب نجم ثرائا (ربنا يذيد ويبارك )وهذه العائلان من ابناء ديرب نجم
وكله يعلم كابلات السويدى ومصابيح السويدى
والعائله تمتاز بحسن الاخلاق الشديد والاحترام الكبير
وبالعائله اثنان عضوان سابقان فى مجلس الشعب ومجلش الشورى
الاول هوا المحاسب طلعت السويدى وهوا عضو بالحزب الوطنى وكان نائبا عن ديرب نجم فى مجلس الشعب فى فتره سابقه الا ان الاخوان المسلمين يحترمونه جدا لكونه كما يشاع عنه كان فى شبابه احد اعضاء الجماعه
والثانى هوا الحاج زكى السويدى وهوا انسان محترم ماحدش بيشوف منه لا خير ولا شر وبرضه عضو بالحزب الوطنى وكان نائب سابق لمجلس الشورى

5_احمد بلال لاعب النادى الاهلى
وهوا لاعب مهاجم بالنادى الاهلى قام الاهلى بشرائه قبل بطوله العالم للشباب التى اقيمت فى مصر من مركز شباب ديرب نجم بمبلغ 7 الالف جنيه وبعدها انضم للمنتخب وذاع صيته وشهرته ارجاء مصر كلها
اللاعب من ابناء قريه بجوار ديرب نجم تسمى تل القاضى ومازال اللاعب حتى يومنا هذا ودود مع اهل قريته ولا يتكبر عليهم ولا على اهله البسطاء
وكل من فى القريه يحبونه باختلاف انتماء اهل القريه
كما انه يقوم بعمل دوره سنويه فى مركز الشباب يصرف عليها من جيبه الخاص هديه منه للشباب ابناء المركز

6- مصطفى السعيد
هذا الشخص وزير سابق فى الثمانيات القرن الماضى وهوا شخصيه علميه وحياتيه مهمه جدا فى تاريخ مصر كلها
استمر بالوزاره 3 سنوات
ويقال انه اقيل من الوزاره بسبب قرار كان يريد اتخاذه وهوا ان الرسوم التى تدفعها السفن الماره فى قناه السويس تكون بالجنيه المصرى رغبه منه فى رفع سعر الجنيه امام العملات الاخرى
حاليا يمسك السيد مصطفى السعيد منصب رئيس اللجنه الاقتصاديه بمجلس الشعب
وله عدده كتب اقتصاديه مهمه
كما انه دكتور جامعى واعتقد انه كل مهتم بالاقتصاد فى مصر عليه ان يقرا كتبه ويتعلم منه لانه عقليه اقتصاديه جباره
يقال ان الدكتور مصطفى السعيد على خلاف وكره بينه وبين السيد كمال الشاذلى والله اعلم بسبب الخلاف ايه

7- محمد حيرم
محمد حيرم واحد من ابناء ديرب نجم الكرام
معاه بكالريوس تجاره قسم محاسبه حاصل على التقدير الشعبى
مالوش اى شهره تذكر الا بين اصحابه وعائته وجيرانه فقط والحمد لله على القليل
الا انه قام بعمل موضوع مهم عن ديرب نجم هوا اللى انتوا لسا بتقروا فيه دا
وهوا نفسه العضو جوبا85

احب انى اقول فى النهايه انه فيه شخصيات كتيره فى ديرب نجم تستحق انها تتكرم ويذكر اسمها فى الموضوع
الا ان الذاكره ضعيفه والزهايمر عامل شغل الله ينور
اذا كان فيه حد يستحق انه يكون فى الموضوع وانا لم اذكره فهذا سهوا منى وليس بقصد متعمد
واتمنى ان كل عضو يعرفنا على بلده وشخصيات البلد اللى هوا منها
الرجوع الى أعلى الصفحة اذهب الى الأسفل
http://www.facebook.com/group.php?gid=230767411346
quitdiplomat
نائب المدير
نائب المدير
avatar




رساله sms تم اضافة الsms ورينا رسايلك والشحن علينا
عدد المساهمات : 107
نقاط : 14511
التقييم : 0
تاريخ التسجيل : 02/01/2010

مُساهمةموضوع: رد: ديرب نجم مدينتى كما اراها بعينى   الجمعة مارس 19, 2010 9:43 pm

فعلا موضوع جديد وجميل جدا يا جوبا

ودى حاجة احنا اتعودنا عليها منك يا حبيبي

المواضيع الجديدة والانفرادية والحصرية اللي

بنتمتع واحنا بنشارك فيها وان شاء الله سيتم

الرد قريبا ومشكور جدا علي الموضوع الجميل .
الرجوع الى أعلى الصفحة اذهب الى الأسفل
sahl
نائب المدير
نائب المدير
avatar

رساله sms ضع النص التي تريده ان يتحرك أفقياً مكان هذه الجملة
عدد المساهمات : 373
نقاط : 14875
التقييم : 1
تاريخ التسجيل : 27/12/2009
العمر : 30

مُساهمةموضوع: رد: ديرب نجم مدينتى كما اراها بعينى   الأحد مارس 21, 2010 12:50 pm

صاحب الانفرادات دائما

وبجد احب احيك على الموضوع الرائع ده

وان شاء الله باقى الاعضاء يفكرو فى مواضيع جديده

_________________
إذا طعنت من الخلف , فاعلم أنك في المقدمة


الرجوع الى أعلى الصفحة اذهب الى الأسفل
 
ديرب نجم مدينتى كما اراها بعينى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات همس المشاعر :: همس المشاعر العامة :: ملتقي الأعضاء-
انتقل الى: